Nei nostri ultimi anni, la crisi occupazionale e la mancanza cronica di lavoro e di uno sviluppo possibile e duraturo, unitamente alle sfide del mondo produttivo tecnologico e di quanto ne consegue, ha riaperto la piaga dell'emigrazione di giovani e di interi nuclei familiari, con conseguente spopolamento del Paese.

Nni st'urtinu periudu, senza chi nni n'addunammu, lu nostru paisi si sta spupulannu arrè.

Partinu, parissi all'ammucciuni, tanti patri di famiglia e lu sciuri sciuri di la giuvintù pi circari

un futuru ca cca un si vidi.

Si nni vannu, vistuti puliti, cu la machina, lu trenu, o macari cu l'apparecchiu a Parma, Ferrara

e nni tanti atri posti spersi 'ntà lu nord cu tanti sogni 'n testa o cu un diploma e la laurea 'n sacchetta

pirchì la disoccupazioni avanza e pi li picciotti, dopu tant'anni di studiu nun c'è sboccu.

Hannu lu cori chinu... e li manu vacanti ma tanta volontà di fari e di realizzarisi.

***************

Tutti l'emigrati, unni vannu vannu, restanu attaccati a li tradizioni di lu paisi,

a la famiglia, a l'amici e cercanu di nun perdiri la memoria d'ogni cosa tinennu vivu desidderiu di turnari.

'Nti la stasciuni, o pi la la Fera di Santa Rusalia, lu paisi si dinchi di li so figli chi tornanu

di la stranìa e si ritrovanu davanti li Cannulicchi 'mmezzu la Fera, 'ncapu lu chianu, a lu Bagliu,

a passiari cu li vecchi amici e a cuntarisi comu si passa la vita, ccà e ddra.

Picca però sunnu li vivunisi emigrati chi ponnu essiri presenti pì lu Venniri Santu, pi la Pasqua,

la Madonna di l'Oglio e lu Natali.

*************

Lu stari bonu arrivà vidè 'nti l'Italia, ma ddrà ncapu a muntata: Milanu, Torinu, Bologna ...

Nun c'era cchiù bisogno di iri a la stranìa. La lingua la canuscianu ma, nenti sapennu, e nun canuscennu

a nuddru, specii a li primi tempi, ristavanu dintra e nun niscianu. Ddrà ncapu, iddri, eranu

"tirruna" e prima di farisi apprizzari nni passà tempu!

Dra cci li purtà lu bisogno e perciò avianu a dari la mazza: casi tinti, chini d'umitu e a caru prezzu.

E c'eranu midè chiddi chi mittianu l'annunzii ca nun affittavanu casi a li meridionali!

Quarcunu, pi la nustalgia di li iardina di lu paisi, si chiantà dintra, ?nti li rasti, basilicò, menta e pitrusinu.

*****************

Home Page